தோழிக்கு கவிதை...

"லூசு" 


தேர்வுக்கு படிக்காதபோதும்,
ஆர்வமுடன் அவளை விட்டு படித்தபோதும்,
கல்லூரிக்கு காலதாமதம் ஆனதும்-பேசிய
சொல்லும் செயலும் வேறானபோதும்,


குண்டு என கேலிசெய்த போதும்- போன
ஆண்டு பிறந்தநாளை மறந்தபோதும்-அவள்
உண்டு உண்டு உருபெருத்த போதும்- அதைக்
கண்டு நான் நகைத்தபோதும்- சென்ற
வாரம் அவளிடம் பகைத்தபோதும்-கா
தோரம் 'தோடு', ரசித்து சிரித்தபோதும்,

 
கல்லூரியில் அழகாக உடை உடுத்தாதபோதும்,
செல்பேசியில் அழைப்பை எடுக்காத போதும்-சொன்ன
சொல்லை மழுப்பி அடுக்கிய பேச்சின் போதும்

என, எதற்கெடுத்தாலும் தோழியிடம் 
     வசை வாங்குவதுதான் என் பிழைப்பு!
அட, அதற்காக அவளளித்த இடுகுறிப்பெயர்
       தான் இக்கிறுக்கலின் தலைப்பு!