உண்மைத் துறந்து கூறுகிறேன்
சிறந்த தோழி நீதானென்று - நட்பை
மறந்து பிதற்றுகிறேன்!
வேண்டுமென்றே சண்டையிடுகிறேன். ஊடல்
வேண்டுமென்பதற்காக- உன் பார்வை
தீண்டும்போதெல்லாம்,
ஊடல் கொண்டு நட்பைக்
கொன்று காதலுக்கு
உயிர்கொடுக்கிறேன்.
கொடுக்கும் உயிர்ப்பிச்சையை
துச்சமென எண்ணி நட்பின்
உச்சத்தில் நிற்கிறாய் நீ!
அனுதினமும் நட்பைக் கொல்வதால்
ஆகிறேன் தொடர்கொலைகாரன்
அவளென் தோழி - பிடித்த பொய்...!
